Grafik foydalanuvchi interfeysli dasturlash

fani boʻyicha sillabus

1. Umumiy maʼlumotlar

2. Fan maqsadi

3. Fanni oʻzlashtirish uchun zarur boshlangʻich bilimlar

4. Taʼlim natijalari

5. Fan mazmuni

6. Mustaqil taʼlim topshiriqlari

7. Foydalanilgan adabiyotlar:

7.1. Asosiy adabiyotlar

7.2. Qoʻshimcha adabiyotlar

7.3. Axborot manbaalari

8. Fanni baholash mezoni va rejasi

8.1. Talabalar bilimini baholash turlari

8.2. Talabalar bilimini baholash mezoni

8.3. Qoʻqon universitetida baholash tavsifi

9. Imtihonga qoʻyilgan talab va koʻrsatmalar

10. Fan oʻqituvchisi toʻgʻrisida maʼlumot

4.1. Bilimlar jihatidan:

4.2. Koʻnikmalar jihatidan:

5.1. Maʼruza mashgʻulotlari mazmuni

5.2. Amaliy mashgʻulotlar mazmuni

Saqlash joyi

«TASDIQLAYMAN»
Akademik ishlar boʻyicha prorektor
I. Gʻ. Mamajonov
________________________
«____»________________ 2025-yil

Akademik daraja	bakalavr		Taʼlim yoʻnalishi	60610300 - Kompyuter injiniringi
Oʻqish davomiyligi (yil)	5		Semestr	3
Fan nomi	Grafik foydalanuvchi interfeysli dasturlash		Fan kodi	GFID2304
Taʼlim shakli	sirtqi		Fan turi	tanlov
Fan tili	Oʻzbek		Modulning davomiyligi	15 hafta
Fanga ajratilgan kredit	ECTS: 4		Baholash shakli	oraliq: yozma joriy: amaliy topshiriqlar yakuniy: yozma
Ajratilgan akademik soat hajmi	120		Auditoriya soatlari taqsimoti	maʼr	amal
	14 (aud)	106 (must)		6	8

Mazkur fanning maqsadi Talabalarga grafik foydalanuvchi interfeysi (GUI) tushunchasini chuqur oʻrganish imkonini berishga, turli xil GUI kutubxonalari va texnologiyalari bilan tanishish hamda ularni amaliy loyihalarda qoʻllash koʻnikmalarini shakllantirishga yoʻnaltirilgan. Talabalar Windows Forms texnologiyasidan foydalangan holda dastur yaratishni oʻrganadi, Visual Studio dasturlash muhitida (IDE) samarali ishlash va foydalanuvchi interfeysini loyihalash, qurish va optimallashtirish boʻyicha amaliy malakalarni egallaydi. Shu bilan birga, talabalarda mustaqil ravishda oddiy grafik foydalanuvchi interfeysli dasturlar yaratish va ulardan maqsadga muvofiq foydalanish qobiliyati shakllantiriladi. Fan, shuningdek, dasturiy mahsulotlar orqali ish jarayonlarini soddalashtirish, maʼlumotlarni vizual tarzda taqdim etish va foydalanuvchi bilan samarali muloqotni tashkil etish tamoyillarini oʻrgatishga qaratilgan.

1. Dasturlash asoslari (DAT101)

2. Ma’lumotlar tuzilmasi va algoritmlari (DAT102)

3. Obyektga yoʻnaltirilgan dasturlash (DAT201)

– Talabalar ilmiy tadqiqot jarayonidagi hisob-kitob ishlarini dastur yordamida inson uchun tushunarli va vizual koʻrinishda tashkil qilish tamoyillarini oʻrganadi;
– Ilmiy-tadqiqot institutlari, ishlab chiqarish korxonalari va boshqa sohalarda ish jarayonlarini avtomatlashtirish, maʼlumotlarni tizimli tarzda boshqarish va vizualizatsiya qilish bilimiga ega boʻladi.

– Talabalar ishlab chiqarish va ilmiy-tadqiqot tashkilotlarida hisob-kitob ishlarini grafik foydalanuvchi interfeysli dasturlar yordamida soddalashtirishni biladi va amaliy qoʻllay oladi;
– Matematik va fizik modellarni hisoblashga, ularni dasturiy mahsulotlar orqali simulyatsiya qilish va natijalarni tahlil qilish boʻyicha amaliy koʻnikmalarni egallaydi;
– Dasturlash sohasida ishlab chiqilgan dasturlarni samarali foydalanish, foydalanuvchi interfeysi loyihalash va dasturiy yechimlarni amaliy kontekstda tatbiq etish qobiliyatiga ega boʻladi.

№	Mavzu va rejalar	soatlar hajmi
1.	Kirish. Grafik foydalanuvchi interfeys haqida tushuncha. Foydalanuvchi interfeys asosiy oynasi haqida tushuncha. Foydalanuvchi interfeys komponentasi haqida tushuncha. Ma’lumot kiritish komponentlari. Grafik foydalanuvchi interfeys haqida tushuncha. Foydalanuvchi interfeys asosiy oynasi va komponentlari haqida tushuncha. Boshqarish va maʼlumot kiritish komponentlari.	2
2.	Roʻyxat komponentlari. Konteyner komponentlari. Boshqa komponentlar. Standart muloqot oynalari. Asosiy oynaning komponentlari. Murakkab strukturali komponentalar. Roʻyxat, konteyner va boshqa komponentalari. Standart muloqot oynalari. Asosiy oynaning komponentalari.	2
3.	Bir nechta asosiy oynalar bilan ishlash. Foydalanuvchi interfeys hodisalari. Internet yordamida ma’lumotlar yuklash. Asosiy oyna ma’lumotlarini saqlash usullari. Loyihalash patterni haqida tushuncha. MVVM patterni. Bir nechta asosiy oynalarni bir-biriga bogʻlash usullari. Modal oynalar bilan ishlash. Klaviatura va sichqoncha hodisalari. Drag & Drop texnologiyasi. Internet va HTTP protokol haqida qisqa tushuncha. HTTP yordamida internetdan maʼlumot yuklash.	2
Jami		6

№	Mavzu va rejalar	soatlar hajmi
1.	Visual Studio dasturlash muhiti bilan ishlash. Visual Studio muhitida asosiy oyna bilan ishlash. Boshqaruvchi komponentalar bilan ishlash. Ma’lumot kiritish komponentlari bilan ishlash. Visual Studio asosiy interfeysi.Visual Studio muhitida Windows Forms loyihasini yaratish. Visual Studio loyiha, komponenta, xususiyat oynalari. FormIntro nomlik loyiha yaratish.	2
2.	Roʻyxat komponentlari bilan ishlash. Konteyner komponentlari bilan ishlash. Boshqa komponentlar bilan ishlash. Standart muloqot oynalari bilan ishlash. Asosiy oynaning komponentlari bilan ishlash. FormLists nomlik loyiha yaratish. FormLayouts nomlik loyiha yaratish. FormOthers nomlik loyiha yaratish. FormDialogs nomlik loyiha yaratish. FormTools nomlik loyiha yaratish. Amaliy mashgʻulot forma koʻrinishi naʼmunasi. Mavzuga oid amaliy mashgʻulot.	2
3.	Murakkab strukturali komponentalar bilan ishlash. Bir nechta asosiy oynalar bilan ishlash. Foydalanuvchi interfeys hodisalari bilan ishlash. FromViews nomlik loyiha yaratish. ManyForms nomlik loyiha yaratish. FormEvents nomlik loyiha yaratish. Amaliy mashgʻulot forma koʻrinishi naʼmunasi. Mavzuga oid amaliy mashgʻulot.	2
4.	Internet yordamida ma’lumotlar yuklash. Asosiy oyna ma’lumotlarini fayl yordamida saqlash. MVVM yordamida loyiha yaratish. FormHTTP nomlik loyiha yaratish. FromData nomlik loyiha yaratish. FromMVVM nomlik loyiha yaratish. Amaliy mashgʻulot forma koʻrinishi naʼmunasi. Mavzuga oid amaliy mashgʻulot.	2
Jami		8

Seminar mashgʻulotlari uchun mavzu kiritilmagan yoki ushbu sillabusda Seminar oʻtish nazarda tutilmagan

Laboratoriya mashgʻulotlari uchun mavzu kiritilmagan yoki ushbu sillabusda Laboratoriya oʻtish nazarda tutilmagan

№	Topshiriqlar mazmuni
1.	MAUI texnologiyasining kross-platformaviy interfeys yaratishdagi oʻrni.
2.	WinUI interfeys texnologiyasining innovatsion jihatlari va afzalliklari.
3.	NuGet paket menejerining dasturiy loyihalarda modullarni boshqarishdagi roli.
4.	Windows Forms texnologiyasi asosida ishlab chiqiladigan funksional dasturlarni loyihalash.
5.	Kalkulyator dasturini ishlab chiqishda interfeys va funksionallik integratsiyasi.
6.	Grafik muharrir dasturlari uchun interfeys dizayni va vizual imkoniyatlar.
7.	Rasmni qayta ishlash (filterlash) dasturlarida interfeysning funksional imkoniyatlari.
8.	Omborxona hisob-kitob dasturlarida interfeys va ma’lumotlar bazasi integratsiyasi.
9.	Savdo va mahsulot boshqaruvi dasturlarida foydalanuvchi interfeysi dizayn tamoyillari.
10.	Dorixona va tibbiyot sohasidagi dasturlarda interfeys yechimlari va funksionallik.
11.	Ta’limiy yoʻnalishda ishlab chiqiladigan dasturlar uchun interfeys imkoniyatlari.
12.	Multimedia dasturlarida foydalanuvchi interfeysi texnologiyalarining qoʻllanishi.
13.	Visual Studio muhitida grafik interfeys loyihalash metodologiyasi.
14.	GUI komponentalarining foydalanuvchi tajribasiga ta’sirini ilmiy asosda tahlil qilish.
15.	Standart muloqot oynalari dizaynining amaliy samaradorligini oʻrganish.
16.	MVVM loyihalash patternining foydalanuvchi interfeys dasturlarida qoʻllanilishi.
17.	Drag & Drop texnologiyasining dasturiy ilovalardagi qoʻllanilish mexanizmlari.
18.	Internet orqali ma’lumot yuklash texnologiyalarining foydalanuvchi interfeysiga ta’siri.
19.	Fayl va INI formatlaridan foydalangan holda ma’lumotlarni saqlash usullari.
20.	SQL ma’lumotlar bazasi bilan integratsiyalashgan foydalanuvchi interfeys dasturlari.
21.	Foydalanuvchi interfeysida “responsive design” tamoyillarini tatbiq etish usullari.
22.	Murakkab strukturali roʻyxat va daraxtsimon komponentalar bilan ishlash nazariyasi.
23.	Interfeys dasturlarida foydalanuvchi hodisalari (klaviatura, sichqoncha) boshqaruvi.
24.	Indikator, slider va boshqa vizual elementlarning samaradorlik jihatlari.
25.	Cross-platform GUI texnologiyalarining solishtirma tahlili (MAUI, Qt, Electron).
26.	Foydalanuvchi interfeysi texnologiyalarining istiqboli va ilmiy prognozlari.
27.	Matn muharriri dasturlarida interfeys yechimlari va foydalanuvchi qulayligi.
28.	Grafik foydalanuvchi interfeysi texnologiyalarining nazariy asoslari va rivojlanish tendensiyalari.
29.	WPF texnologiyasida interfeys qurish imkoniyatlari va arxitektura yondashuvlari.
30.	UWP texnologiyasida multiplatforma interfeys ishlab chiqish tamoyillari.

Mustaqil ishni talabalar taqdimot shaklda topshirishadi.

Александрова И.Л., Тумаков Д.Н. Программирование на языке C#. Учебное пособие – Издание 2-ое, исправленное и дополненное. – Казань: Казанский государственный университет, 2017. – 112 с
Осипов Н.А. Разработка Windows приложений на C#. Учебное пособие. СПб: НИУ ИТМО, 2012. – 74 с.
Абрамян М.Э. Visual C# на примерах. - СПб.: БХВ-Петербург, 2008. - 496 с.

Brown Erik. Windows Forms programming C#.
Brown Erik. Windows Forms in Action.

https://learn.microsoft.com/ru-ru/dotnet/csharp
https://learn.microsoft.com/en-us/dotnet/desktop/winforms
https://metanit.com/sharp/windowsforms

Axborot resurs markazi boshligʻi ______________ G. Qodirova

Mazkur fandan talabalar bilimini baholashda ushbu nazorat turlaridan foydalaniladi: Joriy baholash (JB), Oraliq imtihon (OI), Yakuniy imtihon (YI).

Joriy baholash (JB). Ushbu nazorat turi semestr davomida toʻplanib boriladi va quyidagilardan tarkib topadi:

- Workshop. Talabaning mashgʻulotlarda faolligi va unga berilgan savollarga bergan javobi baholanib boriladi;

- Mustaqil ish. Fanning xususiyatidan kelib chiqib, talaba yakka yoki mini guruhlarga boʻlingan holda berilgan vazifalarni taqdimot koʻranishida himoya qiladi;

- Vazifa / topshiriqlar. Har bir talaba individul tarzda oʻqituvchi tomonidan berilgan topshiriqni dastur kodi yoki loyiha ishi koʻrinishida oldindan fan oʻqituvchi bergan namuna asosida bajaradi;

- Davomat. Talabaning amaliy dars mashgʻulotlariga qatnashganlik ulushidan kelib chiqib baholanadi.

Oraliq imtihon (OI). Ushbu nazorat turi semestrning (3-haftasida) belgilangan kun davomida oʻtkaziladi. Fan oʻqituvchisi oraliq imtihon shakli va oʻtkazish tartibi toʻgʻrisida talabalarni fan semestrining dastlabki darslarida xabardor qiladi.

Yakuniy imtihon (YI). Semestr yakunlangandan soʻng yakuniy imtixonlar haftasida test shaklda olinadi.

№	Nazorat turlari	Izoh	Ball	Oʻtkazilish vaqti (boshlanishi – tugashi)
Joriy baholash (JB)
Kuzgi semestr
1	Workshop	Talabaning interfaolligi, mashgʻulotlarda ishtiroki	5	2-3 hafta(lar) davomida
2	Mustaqil ish	Taqdimot shakllarda amalga oshiriladi	10	2-3 hafta(lar) davomida
3	Vazifa / topshiriqlar	Dastur kodi yoki loyiha ishi koʻrinishida rasmiylashtiriladi	10	2-3 hafta(lar) davomida
4	Davomat	Talabaning amaliy dars mashgʻulotlariga qatnashganlik ulushidan kelib chiqib baholanadi.	15	1-3 hafta(lar) davomida
Joriy baholash uchun maʼlumot qoʻshish
Jami			40
Oraliq imtihon (OI)
1.	Yozma	Oraliqqacha oʻtilgan mavzular yuzasidan tayyorlangan savollar bileti boʻyicha	20	3-hafta
Jami			20
Yakuniy imtihon (YI)
1.	Yozma	Oʻtilgan mavzular yuzasidan amaliy va nazariy savollar boʻyicha yozma topshiriladi	40	Oʻquv jarayoni tugagandan soʻng
Jami			40
Jami			100

Baho	Foiz	GPA
A+	95-100	4.5
A	90-94	4.0
B+	80-89	3.5
B	70-79	3.0
C+	65-69	2.5
C	60-64	2.0
F	0-59	0

Izoh: Talaba 0-59 oraligʻida oʻzlashtirish koʻrsatkichiga yoki bir fanning 1/3 qismiga sababsiz qatnashmasa oʻqiyotgan semestrida mazkur fandan oʻzlashtirmagan (feyl), akademik qarzdor hisoblanadi. Oʻzlashtirilmagan fanlarni qayta oʻzlashtirish uchun talaba oʻrnatilgan tartibda fan oʻqituvchisi tomonidan berilgan topshiriqlarni bajarishi zarur.

Talabaning fan boʻyicha oʻzlashtirish koʻrsatkichini nazorat qilishda quyidagi mezonlar tavsiya etiladi:

a) aʼlo (A, A+) baho olish uchun talabaning bilim darajasi quyidagilarga javob berishi lozim:

fanning moxiyati va mazmunini toʻliq yorita olsa;
fandagi mavzularni bayon qilishda ilmiylik va mantiqiylik saqlanib, ilmiy xatolik va chalkashliklarga yoʻl qoʻymasa;
fan boʻyicha mavzu materiallarining nazariy yoki amaliy ahamiyati haqida aniq tasavvurga ega boʻlsa;
fan doirasida mustaqil erkin fikrlash qobiliyatini namoyon eta olsa;
berilgan savollarga aniq va loʻnda javob bera olsa;
konspektga puxta tayyorlangan boʻlsa;
mustaqil topshiriqlarni toʻliq va aniq bajargan boʻlsa;
fanga tegishli qonunlar va boshqa meʼyoriy-xuquqiy xujjatlarni toʻliq oʻzlashtirgan boʻlsa;
fanga tegishli mavzulardan biri boʻyicha ilmiy maqola chop ettirgan boʻlsa;
tarixiy jarayonlarni sharxlay bilsa;

b) yaxshi (B, B+) baho olish uchun talabaning bilim darajasi quyidagilarga javob berishi lozim:

fanning moxiyati va mazmunini tushungan, fandagi mavzularni bayon qilishda ilmiy va mantiqiy chalkashliklarga yoʻl qoʻymasa;
fanning mazmunini amaliy ahamiyatini tushungan boʻlsa;
fan boʻyicha berilgan vazifa va topshiriqlarni oʻquv dasturi doirisida bajarsa;
fan boʻyicha berilgan savollarga toʻgʻri javob bera olsa;
fan boʻyicha konspektini puxta shakllantirgan boʻlsa;
fan boʻyicha mustaqil topshiriqlarni toʻliq bajargan boʻlsa;
fanga tegishli qonunlar va boshqa meʼyoriy xujjatlarni oʻzlashtirgan boʻlsa.

c) qoniqarli (C, С+) baho olish uchun talabaning bilim darajasi quyidagilarga javob berishi lozim:

fan xaqida umumiy tushunchaga ega boʻlsa;
fandagi mavzularni tor doirada yoritib, bayon qilishda ayrim chalkashliklarga yoʻl qoʻyilsa;
bayon qilish ravon boʻlmasa;
fan boʻyicha savollarga mujmal va chalkash javoblar olinsa;
fan boʻyicha matn puxta shakllantirilmagan boʻlsa.

d) quyidagi hollarda talabaning bilim darajasi qoniqarsiz (F) baho bilan baholanishi mumkin:

fan boʻyicha mashgʻulotlarga tayorgarlik koʻrilmagan boʻlsa;
fan boʻyicha mashgʻulotlarga doir xech qanday tasavvurga ega boʻlmasa;
fan boʻyicha matnlarni boshqalardan koʻchirib olganligi sezilib tursa;
fan boʻyicha matnda jiddiy xato va chalkashliklarga yoʻl qoʻyilgan boʻlsa;
fanga doir berilgan savollarga javob olinmasa;
fanni bilmasa.

1. Talaba imtihon nazorati qoidalarini buzgan hollarda, mazkur fandan imtihon bali bekor qilinishi haqida ogohlantiriladi.

2. Komissiya aʼzosi imtihon boshlanishini eʼlon qilgunga qadar imtihon varagʻini ochish taʼqiqlanadi.

3. Talaba uyali yoki boshqa aloqa vositalari, gadjetlarni oʻchirib, komissiya aʼzosi koʻrsatmasiga binoan oʻzidan uzoqlikda saqlashi shart. Kitob, manuskript, daftar va boshqa koʻmaklashuvchi materiallardan foydalanish mumkin emas.

4. Talabalar bir-biri bilan gaplashishi, imtihon varaqlarini koʻrsatishi, koʻchirtirishi, boshqalarni chalgʻitishi maʼn etiladi.

5. Oziq-ovqat va ichimliklarni auditoriyaga olib kirishi mumkin emas. Shifokor koʻrsatmasiga binoan dori-darmon, kichik idishdagi suv bundan mustasno.

6. Auditoriyadan ruxsatsiz chiqish mumkin emas. Xususan, imtihonning birinchi va oxirgi 10 minutida auditoriyadan chiqish taʼqiqlanadi. Talaba imtihon varaqasini muddatidan oldin topshirib chiqib ketgan holatda qayta auditoriyaga qoʻyilmaydi.

7. Komissiya aʼzosi imtihon tugashini eʼlon qilganidan soʻng, talaba yozishni toʻxtatadi va imtihon varaqlari yigʻilgunga qadar auditoriyani tark etmaydi.

^(imzo)

Gʻ.Xolbutayev

Akademik ishlar departamenti boshligʻi

^(imzo)

S.Dadabayev

Fakultet dekani

^(imzo)

N.Kabulov

Kafedra mudiri

^(imzo)

N.Alimqulov

Fan oʻqituvchisi

^(imzo)

M.Mahmudov

Fan oʻqituvchisi

Mualliflar:	Alimqulov Nurmuhammad Muqumjon oʻgʻli, KUAF, Kompyuter injiniringi va raqamli texnologiyalar kafedrasi dotsenti, t.f.f.d., (PhD) Mahmudov Muhamadxon Nuralixon oʻgʻli, KUAF, Kompyuter injiniringi va raqamli texnologiyalar kafedrasi oʻqituvchisi, --ilmiy darajasini kiriting, masalan, t.f.f.d (PhD) (bor bo'lsa)-- Yangi muallif qo'shsh
Elektron pochta:	alimkulovnurmukhammad@gmail.com email.fiery@gmail.com
Tashkilot va kafedra:	Qoʻqon universiteti Andijon filiali, Kompyuter injiniringi va raqamli texnologiyalar kafedrasi
Taqrizchilar:	M.Abduvoxidov - KUAF, Kompyuter injiniringi va raqamli texnologiyalar kafedrasi dotsenti, t.f.f.d (PhD) A.Medatov - ADU, Axborot texnologiyalari kafedrasi dotsenti, pedagogika fanlari nomzodi Yangi taqrizchi qo'shsh
Talabalarni erkin qabul qilish kuni:	Chorshanba-Payshanba, soat 15:00 – 16:00, ______ – xona.

Sillabus Universitet Kengashining 2025 yil ______________ dagi ____ - sonli yigʻilish bayoni bilan tasdiqlangan.

Sillabus «Kompyuter injiniringi va raqamli texnologiyalar» kafedrasining 2025 yil _________________ dagi _____ - sonli yigʻilish bayoni bilan maʼqullangan.